Samsung do të prodhojë për Apple 80 milionë ekrane – Porositë e Apple zënë gjysmën e kapaciteteve të Samsung
Sipas një raporti të Digitimes, Samsung do të prodhojë 80 milion ekrane OLED për iPhone 8 deri në fund të vitit dhe si pasojë e kësaj, Apple do të fillojë shitjen e iPhoneve më vonë se zakonisht.
Ky raport i cili citon burime të besueshme në zinxhirin e furnizimit të Apple, tregoi se prodhimi i ekraneve për Apple nuk po bëhet vetëm nga Samsung por edhe nga disa prodhues të tjerë.
Të gjitha këto kompani prodhuese janë vënë në punë për prodhimin në masë të ekraneve të iPhone 7s dhe iPhone 8.
Vetëm porositë e Apple do të zënë gjysmën e kapaciteteve të Samsung për të paktën gjashtë muajt e ardhshëm. Përpara fundit të vitit Apple synon të shesë të paktën 50 milion iPhone 8.
Parashikohet se iPhone 8 do të ketë ekran OLED pa skaje 5.1 inç. Madje besohet se skaneri i shenjave të gishtërinjve do të jetë i integruar në ekran.
V.Hydi/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.