Sektori bankar – Sejko në mbledhjen e FMN e BB në Maltë: Në nivele të mira likuiditeti, kapitali dhe përfitueshmërie
Politika monetare stimuluese e ndjekur nga banka qendrore ka dhënë një kontribut pozitiv në drejtim të zhvillimit ekonomik të vendit. Kështu është shprehur Guvernatori i Bankës së Shqipërisë, Gent Sejko gjatë fjalës së tij në mbledhjen e Konstituencës së Fondit Monetar Ndërkombëtar dhe Gurpit të Bankës Botërore.
Ndërsa u ndal në sektorin bankar, Sejko tha se ky i fundit karakterizohet nga nivele të mira likuiditeti, kapitali dhe përfitueshmërie. Ndërkohë, shtori më tej se plani ndërinstitucional i veprimit për reduktimin e kredive me probleme, i ndjekur nga Banka e Shqipërisë në bashkëpunim me institucionet e tjera, ka dhënë efektet e tij pozitive dhe të dhënat më të fundit tregojnë se niveli i kredive me probleme, deri në fund të vitit 2018, zbriti në 11.1%.
Ndërkohë, Sejko u ndal më tej edhe te prioritetet e FMN-së dhe BB-së, si dhe në rolin e rëndësishëm të dy institucioneve në promovimin e rritjes ekonomike të qëndrueshme dhe afatgjatë të vendeve në zhvillim.
E pranishme në mbledhjen e zhvilluar në Maltë ishte edhe ministrja e Financave dhe Ekonomisë, Anila Denaj si dhe zëvendësguvernatorja e parë e BSH-së, Luljeta Minxhozi.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.