Përmbytjet, Konfindustria kërkon ndryshime në Buxhetin e 2018: Kuvendi të mblidhet në seancë të jashtëzakonshme

Përmes një njoftimi të publikuar së fundmi, Konfindustria ka kërkuar nga qeveria që të ndërtojë dhe të zbatojë sa më shpejt strategjinë për parandalimin e përmbytjeve masive të përsëritura.

Mbështetur në situatën e krijuar nga përmbytjet, Konfidnustria ka kërkuar ndryshimin e Buxhetit të vitit 2018, në një seancë të jashtëzakonshme të Kuvendit të Shqipërisë, për të ridrejtuar financimet në ngritjen e sistemit kundër përmbytjeve.

“Kuvendi i Shqipërisë duhet t’i kërkojë ekzekutivit që të përgatisë projektet dhe të paraqesë për miratim ndryshimet e nevojshme ne buxhetin e vitit 2018. Konfindustria vlerëson se përsëritja e bllokimit të rrugëve kombëtare, përfshirë kryeqytetin si dhe përmbytjet masive të bizneseve dhe tokave bujqësore është me pasoja shumë të rënda ekonomike dhe financiare në afatgjatë. Rënia e sistemit tregon efektivitetin e ulet të financimeve të deritashme me shenja të qarta te paaftësisë institucionale dhe korrupsionit”, thuhet në njoftimin e Konfindustrisë.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.