Taksitë fluturuese të ujit nuk do të jenë më një ëndërr e së ardhmes – Në 2018, pesë taksi në shërbim
“Seabubbles” janë taksitë e para fluturuese të ujit të cilat u ngritën në qiell në lumin Seine në qershor por pasi kompania nuk arriti të nënshkruajë një marrëveshje me qeverinë franceze, kjo ndërmarrje po shpërngulet në Zvicër.
Krijuesi i këtyre automjeteve, Alain Thebault, tha për agjencinë franceze të lajmeve AFP, se pesë nga këto taksi do të fillojnë shërbimin në Lac Leman në prill të 2018.
Këto taksi do të jenë në gjendje të transportojnë katër pasagjerë nga Gjeneva në një qytet tjetër fqinj.
“SeaBubbles” punon nëpërmjet katër hidrofileve që zvogëlojnë zvarritjen dhe dy motorë të vegjël, të cilët punojnë me energji diellore.
Këto automjete fluturojnë dy metra mbi ujë dhe mund të arrijnë një shpejtësi deri në 18.5 milje në orë.
Thebault kishte konsideruar Londrën më parë si bazën fillestare të testimit por e ndryshoi vendndodhjen pasi kompania nuk mori ndihmë nga qeveria angleze.
Gjithashtu Thabault tha se po shqyrton zgjerimin e sipërmarrjes së SeaBubbles në disa qytete të tjera të interesuara në të gjithë botën, duke përfshirë New York City, Tokio dhe Bangkok.
V.H/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.