Të tretët në botë për “ekspuls” në BE – Eurostat: 30900 shqiptarë u dëbuan nga një prej vendeve të BE në 2019
Në të gjithë Bashkimin Europian në vitin 2019, u dëbuan 491 mijë shtetas jo rezidentë, në rritje të ndjeshme krahasuar me vitin paraardhës. Shqiptarët janë të tretët në listën e vendeve të origjinës, pas Ukrainasve dhe Marokenëve. Sipas të dhënave më të fundit të eurostat bëhet fjalë për 30900 shtetas shqiptarë të cilët janë dëbuar nga një prej vendeve të Bashkimit Europian gjatë vitit 2019-ës.
Të dhënat i referohen shtetasve të cilët nuk janë qytetarë europianë. Të dhënat tregojnë gjithashtu se nga kjo shifër, gjysma e tyre, ose më saktë 15400 shqiptarë janë detyruar të kthehen në një vend i cili nuk i përket Bashkimit Europian, pra në Shqipëri. Sa i përket kësaj shifre, pra numrit të shtetasve jo europianë që janë dëbuar nga unioni për t`u kthyer në një vend jo anëtar, shqiptarët janë të dytët në listë, pas ukrainasve. Sa i përket shteteve europiane që kryesojnë listën e dëbuesve, në vend të parë është Franca, me rreth 123 mijë, e ndjekur nga Greqia dhe Gjermania.
Roel Korkuti / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.