Turizmi 2018 i suksesshëm në disa drejtime, Rama: Brenda vitit, gati plani për përmirësimin e sezonit të ardhshëm

Sezoni turistik 2018 ka rezultuar pozitiv në disa drejtime, por ka ende nevojë për ndërhyrje, kryeministri Edi Rama gjatë takimit me bizneset e sipërmarrjet në Gjirin e Lalëzit deklaroi se brenda këtij viti do të paraqesim planin për përmirësimin e sezonit të ardhshëm. Rama tha që për që lehtësuar hyrjet e daljet e turistëve, po synohet të vendoset një pikë e përbashkët doganore me Greqinë dhe Kosovën.

“Falë vajzave dhe djemve të angazhuar, ka pasur shumë reagime pozitive, por edhe shumë mësime se si ta zhvillojmë dhe shtrijmë më shumë impaktin e “Smile Albania”. Duhet të organizohet mendimi juaj, si ka funksionuar në terren, çfarë ju vete propozoni, dhe si mund të bëhet më mirë vitin e ardhshëm.

Kemi pasur një sezon të suksesshëm, në shumë aspekte. Ka qenë sezoni me më pak plehra. Por kjo s’do te thotë që e kemi zhdukur këtë fenomen. Por ka pasur progres. Ketë vere nuk ka pasur vjedhje ne hotele, dhe as probleme me energjinë elektrike. Ne plazhe ka pasur siguri për pushuesit, mjetet lundruese kanë qenë larg vijës bregdetare. Ka qenë viti me shërbimin më të mirë shëndetësor në plazhe, me pikat e urgjencës të ngritura në sezon. Gjithashtu edhe viti më i mirë sa i përket kulturës, ka pas rreth 500 aktivitete kulturore të shtrira në gjithë pikat turistike.

Ketë vit imazhi i Shqipërisë është përmirësuar. Shumë media të huaj kanë shkruar për Shqipërinë, si një destinacion për t’u vizituar.

Duam te vendosim një pikë të përbashkët me Greqinë, edhe me Kosovën, për lehtësuar hyrjet e daljet. Në fund të shtatorit, do fillojmë punën për sezonin e vitit tjetër. dhe brenda këtij viti do paraqesim planin”.

Ministri i Turizmit dhe Mjedisit, Blendi Klosi deklaroi se në pesë vitet e para të mandatit qeveritar janë dyfishuar numri i turistëve.

“Shumë shpejt synojmë ta çojmë në 10 milion këtë numër”.

Ministri i Bujqësisë Niko Pleshei dhe se gjatë këtij sezoni turistik është rritur interesi edhe për agroturizmin.

“Të shtrim turizmin në 12 muajt e vitit. Një nga këto është edhe agroturizmi, i cili mund të kombinohet. Ne kemi marrë disa masa, gjeja më e mirë që e kemi vendosur në fjalorin e politikës, nga viti 2012 në 2017 hapeshin 10-12 struktura që quheshin struktura të turizmit. Ndërsa deri tani janë riregjistruar 40 struktura të tilla agroturizmi. Trendi që po krijojmë ka sjell shumë interes për agroturizmin. Më shumë agroturizëm, më shumë ekonomi”.

E.Z/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.