Ulet në 4 numri i të prekurve me Covid – Bie niveli i transmetueshmërisë
Në komunikimin e përditshëm të Ministrisë së Shëndetësisë, është bërë me dije se gjatë 24 orëve të fundit janë kryer 121 testime ku 4 prej tyre kanë rezultuar pozitiv, duke e çuar në 872 numrin total të të infektuarve në të gjithë vendin.
Numri i rasteve të reja janë përkatësisht: Tiranë 2 raste, Kamëz 1 rast dhe Shkoder 1 rast.
Ministria e Shëndetësisë ka njoftuar se deri tani janë 654 raste të pacientëve të shëruar dhe 187 mbeten raste aktive. Në dy spitalet Covid janë të shtruar 28 pacientë ku 3 prej tyre janë në terapi intensive ndërsa rastet e tjera po monitorohen nga mjeku i familjes.
Ministria e Shëndetësisë dhe Mbrojtjes Sociale apelon për qytetarët që të vazhdojnë të respektojnë distancimin fizik dhe të mbajnë higjienën personale, po ashtu bizneset e hapura të respektojnë me rigorozitet protokollet e sigurisë.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.