Urdhrat profesionalë “në sitë” – Dentistë, mjekë e infermierë, Spahiu: Ndryshime ligjore për organet drejtues
Konfliktet brenda Urdhrit të Stomatologut do të detyrojnë Kuvendin të ndërmarrë ndryshime ligjore në drejtim të funksionimit të urdhrave profesionalë, sikurse është edhe ai i mjekut, infermierit, farmacistit, etj. Ndryshimet do të synojnë vendosjen e rolit kontrollues nga Ministria e Shëndetësisë dhe të drejtën e votës për të gjithë anëtarët, në zgjedhjen e organeve drejtues.
Kjo domosdoshmëri ka ardhur pas përplasjeve mes anëtarëve dhe kreut të Urdhri të Stomatologut, Nikoll Deda, i cili ndër të tjera ka refuzuar të zbatojë një vendim gjykate mbi zhvillimin e zgjedhjeve të reja për mandatin 2020-2025.
Ndërkaq, sipas përfaqësuesve të Ministrisë së Shëndetësisë, ky dikaster nuk ka asnjë tagër të ndërhyjë, pasi zbatimi I një vendimi gjykate është I detyrueshëm për të gjithë. Në të gjithë vendin numërohen mbi 20 mijë profesionistë të shëndetësisë, ndërkohë që sipas deputetit, Klodian Spahiu ndryshimet ligjore mund të orientohen edhe drejt mundësisë që të gjithë të kenë të drejtë vote për zgjedhjen e organeve drejtuese.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.