Vendimet e Qeverisë / Manastirliu: Shumë shpejt do të vendosim për dozën përforcuese dhe ditët e izolimit nga Omicron
Gjatë ditës së sotme këshilli i ministrave ka mbajtur një fjalim për mediat në lidhje me vendimet e reja të qeverisë. Në fjalimin e saj Ministrja e Shëndetësisë Ogerta Manastirliu ka folur në lidhje me situatën e Covid në vendin tonë dhe fushatën e vaksinimit ku është shprehur se shumë shpejt komiteti i Ekspertëve do të vendosë në lidhje me ditët e izolimit nga varianti Omicron dhe për dozën përforcuese të vaksinimit.
“Vaksinimi ecën me ritme të qëndrueshme. Janë mbi 2.6 milionë vaksinime të kryera deri tani, për moshën plus 16 kemi arritur në 56% të vaksinimit. E rëndësishme është doza përforcuese, e cila ka dhënë garanci me uljen e shtrimeve dhe hospitalizimeve. Komiteti po vlerëson këtë aspekt rishikimin e bërjes së dozës përforcuese para afatit 6 mujor. Gjithashtu po vlerësojmë ditët e izolimit të Omicron duke vlerësuar periudhën e karantinimit dhe që shumë shpejt do të kemi nga komiteti i ekspertëve një vendim për të dy këta elementë”, është shprehur Manastirliu.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.