Vijojnë kontrollet dhe inspektimet nëpër biznese – AKU vendos 14 masa administrative dhe asgjëson mbi 6 ton produkte të skaduara
Trupat inspektuese të Autoritetit Kombëtar të Ushqimit kanë kryer 273 inspektime dhe monitorime gjatë 24 orëve të fundit në të gjithë vendin, edhe si pjesë e Task-Forcës Anti-Covid duke vijuar kontrollet në të gjitha bizneset dhe nivelet e sistemit arsimor, në zbatim të protokolleve të sigurisë, si e vetmja mënyrë kundër përhapjes së virusit.
AKU bën me dije se gjatë inspektimeve janë dhënë 14 masa me paralajmërim për mungesë të Planeve 3D, mungesë të librezave shëndetësore, mos sistemim të ambienteve të prodhimit etj.
Sipas njoftimit me kërkesë të vetë një subjekti ushqimor, u krye asgjësimi i një sasie prej 6.365 ton produkte ushqimore me afat të kaluar përdorimi ndërsa referuar Planit të Marrjes së Mostrave janë marrë 39 mostra në monitorim të qumështit dhe analizim të fruta-perimeve për mbetje pesticide.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.