Vlorë/ Lojëra fati të paligjshme – Policia sekuestron 7 kompjuter dhe shpall në kërkim pronarin lokalit!

Policia e Shtetit njofton se në zbatim të planit të masave të hartuar nga Drejtoria Vendore e Policisë Vlorë, si dhe bazuar dhe në informacionet e marra në rrugë operative për ushtrimin dhe organizmin e lotarive dhe basteve sportive pa leje, vënien në dispozicion të lokaleve për lojëra fati dhe fshehjen e të ardhurave, Strukturat e Hetimit të Krimeve në Komisariatin e Policisë Vlorë, në bashkëpunim me strukturat  Hetimore  të DVP Vlorë, kanë vijuar kontrollet e vazhdueshme në lokale dhe ambiente të ndryshme.

Sipas njoftimit si rezultat i kontrolleve të ushtruara, nga specialistët e Seksionit për Hetimin e Krimeve në Komisariatin e Policisë Vlorë u bë arrestimi në flagrancë i shtetasit O. H.,  30 vjeç dhe u shpall në kërkim shtetasi Xh. Ll., 38 vjeç, (pronar i lokalit).

Sipas Policisë në ambientet e  lokalit të shtetasit Xh. Ll,  u gjetën e sekuestruan 7 njësi kompjuterike, 2 USB, 1 printer dhe 1 aparat celular,  të cilat shërbenin për ushtrimin e lojërave të fatit si dhe u  procedua penalisht shtetasi J. D.,55 vjeç, pasi u konstatua duke luajtur lojëra fati, në një nga kompjuterët.

Policia bën me dije se gjithashtu në vijim të kontrolleve u procedua penalisht  shtetasit G. Ç., 32 vjeç, banues në lagjen “Hajro Çakërri” Vlorë, pasi gjatë kontrollit të ushtruar në ambientet e një lokali, në lagjen “Partizani” Vlorë, i është gjetur dhe sekuestruar një aparat telefoni celular, që e përdorte  për lojëra fati të paligjshme (baste sportive).

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.