Zgjidhet kryetari i ASH – Rama: Fondi do t’i shkojë universitetit për kërkimin shkencor

Akademia e Shkencave ka zgjedhur drejtuesin e saj të ri, Gudar Beqirajn. Pas votimit të të gjithë anëtarëve në postin e nënkryetarit është zgjedhur akademiku Myzafer Korkuti. Të gjithë anëtarët e akademisë janë të mendimit se ka ardhur koha që të reformohet edhe ky institucion si gjithë institucionet e tjera. Ndërkohë që sipas kryetarit të ri të Akademisë së Shkencave ky reformim duhet që të bëhet në bashkëpunim me qeverinë.

“Reforma është reformë ndërtim strategjie, është reformë ligjore, është reformë institucionale është reformë kapacitetesh. Ju e dini se kryeministri ka ndërmarrë një nismë për të ristrukturuar të gjithë institucionet shtetërore dhe në këtë kuadër do të ristrukturohen edhe të gjitha institucionet që merren me kërkimin shkencor.”

Çdo vit Akademia e Shkencave  merr nga buxheti i shtetit rreth 120 milionë lekë. Fond ky që  pas këtyre zgjedhjeve nuk do i jepet më akademisë sipas një statusi të kryeministrit Rama. Sipas tij, pas këtyre zgjedhjeve “farsë” ky fond do t’i shkojë universitetit për kërkimin shkencor.

Entela Bajramaj/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.