Zhvillohen seancat dëgjimore për anëtarin e Këshillit Mbikëqyrës të BSH dhe kryetarin e Bordit të AMF

Komisioni për Ekonominë dhe Financat ka njoftuar zhvillimin e seancës dëgjimore me kandidaturat për pozicionin e anëtarit të këshillit Mbikëqyrës së Bankës së Shqipërisë.

Sipas njoftimit kandidatet e interesuar që kishin dorëzuar dokumentacionin për këtë pozicionin, të cilët ishin edhe të ftuar në mbledhjen e sotme ishin Violeta Nikleka (Staka), Fatmira Kola dhe Brunilda Isaj. Ndërkohë sipas KEF dy kandidaturat Nikleka dhe Kola bënë prezantimin përkatës në komision.

Ndërkaq sipas KEF mbledhja vazhdoi me seancën e dytë dëgjimore me kandidatët për pozicionin e Kryetarit të Bordit të Autoritetit të Mbikëqyrjes Financiare ku më konkretisht ata që kishin dorëzuar dokumentacionin dhe ishin të ftuar në mbledhjen e sotme ishin Julian Naqellari, Sonila Rreshka, Endrit Bushati, Pajtim Melani, Onorita Jata dhe Olsi Coku.

“Të gjitha kandidaturat e mësipërme  bënë prezantimet përkatëse në komision ku shprehën interesin për këtë pozicion vakant ndërsa mbledhja u zhvillua nëpërmjet platformës onlineWebEx,” thuhet në njoftim.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.