Zhvillonte aktivitet të paligjshëm të lojërave të fatit – policia arreston 33 vjeçarin, sekuestrohen pajisjet
Nëpërmjet një njoftimi të publikuar në faqen zyrtare Policia e Shtetit ka njoftuar se janë sekuestruar 4 pajisje elektronike si dhe 1 tavolinë pokeri, që shërbenin për zhvillimin e lojërave të fatit.
‘Në vijim të punës dhe kontrolleve të shtuara për ndëshkimin e atyre personave që tentojnë të ushtrojnë aktivitetin e kundraligjshëm të lojërave të fatit, u konstatua se në fshatin Novoselë, Vlorë, në lokalin e shtetasit K. L., u gjetën dhe u sekuestruan 4 pajisje elektronike dhe 1 tavolinë pokeri, ku dyshohej se ushtronte aktivitetin e kundraligjshëm të lojërave të fatit, duke fshehur të ardhurat me qëllim mosdeklarimin e tyre’, njofton policia.
Në përfundim të veprimve hetimore specialistët për Hetimin e Krimeve në Komisariatin e Policisë Vlorë arrestuan në flagrancë shtetasin K. L., 33 vjeç, banues në fshatin Novosel, për veprat penale “Organizim i llotarive të palejuara” dhe “Fshehja e të ardhurave”.
Materialet procedurale i kaluan Prokurorisë, për veprime të mëtejshme.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.