Zv.kryeministrja Senida Mesi: Bashkëpunimi mes njerëzve e bizneseve të rajonit,shërben pozitivisht për integrimin tonë në BE
Zëvëndëskryeministrja Senida Mesi ka vlerësuar pozitivisht edicionin e parë të “Tirana Economic Forum”, organizuar nga “SCAN Media Group” duke evidentuar tematikën e diskutimeve e nivelin e lartë të pjesëmarrësve. Në fjalën e saj, Mesi evidentoi se po punohet për të garantuar një rritje ekonomike, të qendrueshme dhe inteligjente dhe se këto objektiva të vendit nuk mund të shihen si të jashtme dhe të pa integruara me rajonin.
“Politikat rajonale të Shqipërisë bazohen në parimin e gjithëpërfshirjes, në parimin e një procesi të bashkimit rajonal duke krijuar kështu një infrastrukturë të përbashkët rajonale e cila ndërlidhet me rrjetet infrastrukturore europiane dhe euroaziatike, heqjen e gjithë barrierave fizike dhe lehtësimin e lëvizjes së njerëzve, mallrave, kapitaleve duke synuar kështu rritjen e shkëmbimeve midis njerëzve, rritjen ekonomike, importet, eksporte me gjithë vendet e Rajonit.
Por nuk mjafton vetëm kjo, duhet të njohim më mirë dhe njëri-tjetrin, duhet të njohim më mirë dhe kulturën dhe traditat tona dhe sigurisht kjo kërkon angazhim të të gjitha palëve në vendet e Rajonit por sigurisht edhe të Bashkimit Evropian që neve të angazhohemi për të prezantuar më shumë veten në kuadrin e asaj nisme dhe dëshirës sonë të madhe në integrimin në Bashkimit Evropian. Pa diskutim që bashkëpunimi dhe ndërlidhja me Ballkanin Perëndimor nuk mund të shihet si e vetme pa partnerët tanë strategjikë” tha Mesi.
Ndërsa evidentoi projektet e përbashkëta rajonale, zëvëndëskryeministrja bëri të ditur nismën e radhës që Parlamenti Europian më datë 6 shkurt do të prezantojë e që është perspektiva e besueshme për zgjerimin e Ballkanit Perëndimor. “Besojmë që ky është një moment shumë pozitiv për Shqipërinë, jo vetëm për ekonominë dhe integrimin e saj në Europë por flitet për herë të parë në kontekstin politik për një Shqipëri, pjesë e Ballkanit Perëndimor dhe Ballkani i tillë në kuadrin politik në lidhje me integrimin në Bashkimin Europian dhe sigurisht mendojmë që lidhja organike, bashkëpunimi organik mes njerëzve dhe bizneseve të Shqipërisë me vendet e Rajonit do të shërbejë në mënyrë pozitive në lidhje dhe me integrimin tonë në Bashkimin Europian” tha Mesi.
Posted by Senida Mesi on Wednesday, January 24, 2018
Mëposhtë fjala e plotë e zëvëndëskryeministres Mesi në forumin ekonomik të organizuar nga SCAN:
Ju falenderoj shumë për ftesën sot, është faktikisht konferenca e parë e vitit, më vjen mirë që kjo konferencë vjen në një këndvështrim tjetër, vjen në këndvështrimin e organizatorëve nga ana e biznesit dhe nga ana e medias.
Këtë e tregon dhe interesi i sotëm dhe pjesëmarrja e shumtë në numër.
Sigurisht është një nismë e cila është aktuale për Shqipërinë dhe shqiptarët. Po flasin së shumti për integrimin e të gjithë Rajonit të Ballkanit Perëndimor në Bashkimin Evropian.
Dhe kur flasim për Bashkimin Evropian ajo nuk është as e majtë as e djathtë. Bashkimi Evropian është diçka e cila i përket shqiptarëve dhe të gjithë Shqipërisë dhe sigurisht duke reflektuar dhe qasjen e shqiptarëve dhe dëshirën e tyre të madhe si një nga vendet më me optimizëm në rajonin e Ballkanit synojnë dhe duan të hyjnë të integrohen në Bashkimin Evropian.
Qeveria në kuadër të programit të saj të vitit 2017-2021 mbetet tërësisht e organizuar në rritjen e punësimit, konsolidimin e stabilitetit makroekonomik financiar, zhvillimin e infrastrukturës sidomos në sektorin e energjisë dhe atë minerar, bujqësisë, agroindustrisë, agroturizmit, turizmit duke i parë si fusha në të cilat ne mund të bëjmë më shumë.
Qëllimi sigurisht është rritja afatgjatë, e qëndrueshme dhe inteligjente për të pasur atë zhvillim të qëndrueshëm i cili do na mbetet kryesori i zhvillimit ekonomik. Sigurisht këto objektiva të vendit nuk mund të shihen si të jashtme dhe të pa integruara me vendin dhe rajonin. Në lidhje me rajonin qeveria shqiptare beson se normalizimi i marrëdhënieve në Rajonin e Ballkanit perëndimor dhe përforcimi i bashkëpunimit rajonal, përmes dialogut dhe nismave konkrete janë procese prioritare të pandara nga aspirata e rritjes dhe një arritjeje ekonomike cilësore si dhe në kuadër të këtyre nismave, integrimin në Bashkimin Evropian.
E kuptojmë që vendet e Rajonit perëndimor, jo vetëm nga nisma që po bëjnë, nga situata aktuale kanë sfida të ndryshme nga Shqipëria, por sigurisht kanë një element shumë të përbashkët.
Të gjitha po ndërmarrin reformat të suksesshme duke bërë që vendet e Rajonit të Ballkanit Perëndimor të ecin së bashku suksesshëm për integrimin në Bashkimin Evropian.
Besojmë fort dhe jemi të angazhuar maksimalisht në forcimin e marrëdhënieve të fqinjësisë së mirë dhe integrimit në rajon duke qenë një partner serioz dhe një faktor i cili kontribuon në forcimin e qëndrueshëm të politikës dhe ekonomisë së Rajonit.
Politikat rajonale të Shqipërisë bazohen në parimin e gjithëpërfshirjes, në parimin e një procesi të bashkimit rajonal duke krijuar kështu një infrastrukturë të përbashkët rajonale e cila ndërlidhet me rrjetet infrastrukturore europiane dhe euroaziatike, heqjen e gjithë barrierave fizike dhe lehtësimin e lëvizjes së njerëzve, mallrave, kapitaleve duke synuar kështu rritjen e shkëmbimeve midis njerëzve, rritjen ekonomike, importet, eksporte me gjithë vendet e Rajonit.
Por nuk mjafton vetëm kjo, duhet të njohim më mirë dhe njëri-tjetrin, duhet të njohim më mirë dhe kulturën dhe traditat tona dhe sigurisht kjo kërkon angazhim të të gjitha palëve në vendet e Rajonit por sigurisht edhe të Bashkimit Evropian që neve të angazhohemi për të prezantuar më shumë veten në kuadrin e asaj nisme dhe dëshirës sonë të madhe në integrimin në Bashkimit Evropian.
Pa diskutim që bashkëpunimi dhe ndërlidhja me Ballkanin Perëndimor nuk mund të shihet si e vetme pa partnerët tanë strategjik.
Janë bërë disa nisma që ja vlen t’i përmendim, janë nisma rajonale sikurse është Këshilli i Bashkëpunimit rajonal apo Fondi i Ballkanit Perëndimor i cili ka seli edhe në Shqipëri, në Tiranë.
Sigurisht në kuadër të procesit të Berlinit janë edhe një sërë nismash në të cilat qeveria shqiptare po punon.
Posted by Senida Mesi on Wednesday, January 24, 2018
Më lejoni të përmend shkurtimisht nismën e radhës që Parlamenti Europian më datë 6 shkurt do të prezantojë që është perspektiva e besueshme për zgjerimin e Ballkanit Perëndimor. Besojmë që ky është një moment shumë pozitiv për Shqipërinë, jo vetëm për ekonominë dhe integrimin e saj në Europë por flitet për herë të parë në kontekstin politik për një Shqipëri, pjesë e Ballkanit Perëndimor dhe Ballkani i tillë në kuadrin politik në lidhje me integrimin në Bashkimin Europian dhe sigurisht mendojmë që lidhja organike, bashkëpunimi organik mes njerëzve dhe bizneseve të Shqipërisë me vendet e Rajonit do të shërbejë në mënyrë pozitive në lidhje dhe me integrimin tonë në Bashkimin Europian.
Vlen të përmendim raste konkrete të bashkëpunimit në lidhje me infrastrukturën, tregtinë inovacionin, digjitalizimin e shërbimeve të cilat lehtësojnë jo vetëm rritjen e sipërmarrjes, mobilitetin e njerëzve por sigurisht janë reforma të cilat po ndërmerren njëkohësisht nga të gjitha vendet e Rajonit të Ballkanit Perëndimor.
Zonat ndërkufitare janë një rëndësi e veçantë për Shqipërinë. Kemi adresuar këto çështje dhe në takimet që kemi bërë me vendet fqinje, në kuadrin e mbledhjes ndër qeveritare me qeverinë e Kosovës apo me Maqedoninë. Do të adresojmë përsëri çështje të ngjashme dhe në mbledhjen e ardhshme që do të zhvillohet në Shqipëri në Shkodër me Malin e Zi për të lidhur kontrata dhe për të pasur bashkëpunime serioze dhe konkrete, jo vetëm në pikat kufitare por edhe më gjerë.
Një instrument shumë i rëndësishëm në kuadër të procesit të Berlinit është ndërtimi i zonës ekonomike rajonale e cila është dakordësuar në Samitin e Triestes apo reformat e tjera të ndërlidhjes si në transport ashtu edhe në energji.
Më lejoni të them diçka shumë të rëndësishme, jemi këtu dhe mes ju dhe edhe me komunitetin e biznesit dhe e kuptojmë shumë mirë si qeveri se sfida që ka përpara biznesi është shumë e madhe sidomos për të përballuar konkurrencën.
Prandaj duam të vlerësojmë pozitivisht nismat dhe përpjekjet e secilit prej jush për t’i bërë ballë kësaj konkurrence nesër që do të jetë shumë më e fortë se sa sot, sikurse dhe Bashkimit Europian në lidhje me mbështetjen financiare dhe teknike në proceset transformuese të Shqipërisë duke i dhënë një vitalitet dhe zhvillimit të ekonomisë.
Fondet e tilla si IPA, Cross Border Cooperation, Programet EMED, Balkan MED, Erasmus Plus janë sigurisht elementë shumë të rëndësishëm të cilat na mundësojnë ne të jemi gati për integrimin në Bashkimin Europian, gati për t’u bërë pjesë e Europës së madhe.
Ka ndihmuar dhe ndihmojnë në fuqizimin e infrastrukturës, energjisë transportit, inovacionit por sigurisht dhe kapitalit të burimeve njerëzore që është shumë i rëndësishëm duke rritur kështu kapitalin njerëzor dhe në shkencë, arsim, teknologji dhe kulturë.
Perspektiva e besueshme për zgjerimin ndaj Ballkanit Perëndimor që pritet të lançohet në 6 shkurt është shumë e rëndësishme jo vetëm për elementin politik por edhe për elementin financiar. Aty besojmë që do të flitet edhe për aksesimin e fondeve të tjera të Bashkimit Europian ku përveç fondeve të para aksesimit IPA, Shqipëria të ketë mundësi të aksesojë edhe fondet e zhvillimit rajonal dhe të kohezionit social të Bashkimit Europian pra që janë fonde dhe mekanizma strukturor, në këtë formë do të lançohet dhe mbështetja organike mes Shqipërisë dhe vendeve të tjera të rajonit. Besojmë se ky integrim progresiv rajonal do të shërbejë për prosperitetin e qytetarëve tanë si dhe do të ndihmojë në konvergjencën e tregut Europian, duke e bërë kështu Ballkanin Perëndimor një treg tërheqës dhe me potencial zhvillimor.
Sigurisht të gjithë së bashku, duke filluar nga qeveria, secili prej jush këtu, dhe secili aktor prezent në Republikën e Shqipërisë duhet të bashkërendojmë energjitë dhe strategjitë tona me qëllim që t’i përshtatemi nevojave të qytetarëve, të sipërmarrësve dhe të shoqërisë sonë në total.
Në përfundim për të adresuar ato sfida komplekse na nevojitet një qasje strategjike dhe inovatore, një përqasje kreative me fokus zhvillimin njerëzor së pari, për t’i ofruar më shumë dhe gjeneratës së re, për të përforcuar kështu kohezioni social dhe prosperitetin ekonomik.
Ju uroj të gjithëve diskutime të frytshme gjatë kësaj konference.
Faleminderit!
Civici: Rruga drejt BE kalon së pari nga integrimi dhe zhvillimi i rajonit të Ballkanit
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.