Analistët: Sektorit të luksit do t’i tkurren fitimet si asnjëherë më parë në histori
Markat luksoze duhet të shtrëngojnë veten për vitin më të keq në historinë moderne në aspektin e fitimeve, sipas një grupi analistësh të Bernstein.
Në një shënim të fundit për klientët, këta analistë, të udhëhequr nga Luca Solca, paralajmëruan se bota po hyn në “terra incognita” ndërsa lufton me pandeminë koronavirus.
“Ajo që ne dimë është se azhurnimi nga gjysma e parë e vitit 2020 ka të ngjarë të jetë më e keqja në historinë moderne të industrisë së mallrave luksoze,” shkruajnë këta analistë.
Markat luksoze janë goditur shumë që nga fillimi i shpërthimit të koronavirusit pasi baza e tyre më e rëndësishme e klientëve, kinezët, ishin të parët që u prekën.
Konsumatorët kinezë përbëjnë 35% të kërkesës globale në sektorin e luksit, duke i bërë ata klientët më të vlefshëm në përgjithësi; Bernstein vlerëson se kërkesa nga këta konsumatorë do të ulet deri në 30% në 50% në gjysmën e parë të vitit.
Por ndërsa virusi është përhapur në të gjithë botën, markat luksoze kanë shikuar kërkesën të bjerë edhe nga konsumatorët e tjerë luksoz në tregjet kryesore si SHBA, Evropë dhe Lindja e Mesme.
Kering, Burberry dhe LVMH janë ndër emrat më të mëdhenj në industri që kanë lëshuar paralajmërime për tkurrje të fitimit javët e fundit. Burberry azhurnoi investitorët në 19 mars se shitjet në dyqanet e saj ishin ulur nga 40% deri në 50% midis fundit të janarit dhe mesit të marsit.
D.B – SCAN
Burimi: Business Insder
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.