Arrestohet vajza e themeluesit të Huawei, ekstradohet në Amerikë! – Marrëdhëniet SHBA-Kinë “në fije të perit”
Vajza e themeluesit të teknologjisë kineze Huawei është arrestuar në Kanada dhe do të ekstradohet në Shtetet e Bashkuara, duke i dhënë një goditje shpresës së lehtësimit të tensioneve tregtare të Kinës dhe SHBA-së.
Arrestimi shokues i Meng Wanzhou, e cila është gjithashtu shefja më e lartë financiare e Huawei, ngre dyshime të reja mbi armëpushimin 90-ditor mbi tregtinë e arritur midis presidentëve Donald Trump dhe Xi Jinping. Arrestimi lidhet me shkeljet e sanksioneve të SHBA, tha një person i njohur me çështjen. Reuters nuk ishte në gjendje të përcaktojë natyrën e saktë të shkeljeve.
Arrestimi dhe çdo sanksion i mundshëm mbi krijuesin e dytë më të madh në botë i smartphone, mund të ketë pasoja të mëdha në zinxhirin e furnizimit të teknologjisë globale. Aksionet në furnizuesit aziatikë të Huawei, të cilat gjithashtu përfshijnë Qualcomm dhe Intel midis furnizuesve të saj të mëdhenj, ranë gjatë ditës së sotme. Meng, një nga zëvendëskryetarët në bordin e kompanisë dhe vajza e themeluesit të kompanisë Ren Zhengfei, u arrestua më 1 dhjetor në kërkesa e autoriteteve amerikane dhe seanca gjyqësore është caktuar për të premten, tha një zëdhënës i Departamentit të Drejtësisë të Kanadasë. Trump dhe Xi kishin darkuar në Argjentinë më 1 dhjetor në samitin e G20.
Burimet i thanë Reuters, se autoritetet amerikane kanë hetuar Huawei, prodhuesit më të mëdhenj të pajisjeve të telekomit në botë, që nga 2016 për transportin e dyshuar të produkteve me origjinë nga SHBA në Iran dhe vende të tjera në kundërshtim me ligjet e eksportit dhe sanksioneve të SHBA. Huawei konfirmoi arrestimin në një deklaratë dhe tha se i është dhënë pak informacion rreth akuzave, duke shtuar se “nuk ishte në dijeni për ndonjë keq bërje nga Meng”. Ambasada e Kinës në Kanada kundërshtoi me vendosmëri arrestimin dhe bëri thirrje për lirimin e menjëhershëm të Meng-it.
Departamenti i Drejtësisë i SHBA nuk pranoi të komentojë. Një zëdhënës i zyrës së avokatit amerikan në Bruklin, i cili po merret me këtë çështje gjithashtu nuk pranoi të komentojë. Arrestimi tërhoqi një përgjigje të mprehtë në mediat sociale kineze. Një përdorues i platformës Twitter të Weibo të Kinës tha se kinezët duhet të bojkotojnë produktet e prodhuara nga gjiganti amerikan i teknologjisë Apple dhe në vend të kësaj të blinin Huawei prodhime për të treguar mbështetje për një nga kampionët kombëtarë të Kinës.
Jia Wenshan, një profesor në Universitetin Chapman në Kaliforni, tha se arrestimi ishte pjesë e një strategjie më të gjerë gjeopolitike nga administrata Trump për të kundërshtuar Kinën dhe se “ka një rrezik të madh të prishjes së bisedimeve tregtare mes SHBA-Kinë”.
E.T/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.