Basha, takime në Vorë: Qeveria nuk e ka prioritet të zgjidhë problemet e qytetarëve!
Kryetari i Partisë Demokratike, Lulzim Basha ka vijuar takimet në Vorë ku ka bërë apel për pjesëmarrje në protestën e paralajmëruar me 27 janar. Gjaët takimeve, kreu i PD-së tha se qeveria nuk ka prioritet të zgjidhë problemet e qytetarëve e si shembull mori faturën që mijëra familje shqiptare detyrohen ta paguajnë si këst mujor për energjinë
“200 milionë është borxhi total i shqiptarëve ndaj KESH-it. 200 milionë është fatura që shqiptarët paguajnë vit për vit për 5 koncensionarë, për 5 derra të krimit dhe korrupsionit që ndajnë paratë me Edi Ramën. Nuk ka asnjë arsye pse një qeveri që e ka lidhur fatin me njerëzit të mos ndërpresë menjëherë këtë marrëdhënie kriminale korruptive, të shlyejë borxhin ndaj KESH-it dhe të çlirojë qindra e mijëra familje shqiptare nga zgjedha e kamatave të padrejta të KESH-it apo nga mënxyra e rritjes së çmimit të ujit.”- u shpreh kreu i opozitës. Në vijim të fjalës së tij, Basha tha se “vendosmëria e demokratëve është t’u japë shqiptarëve një qeveri e cila paratë nuk i çon tek oligarkët por i çon tek qytetarët”.
“Çmimi energjisë, çmimi i naftës, çmimi i ujit, çmimi i ushqimeve bazë janë shqetësime themelore të njerëzve. Papunësia, varfëria, mungesa e shpresës janë pasojat e drejtpërdrejta të këtyre mënxyrave që janë dhurata dhe prodhimi i vetëm i Edi Ramës për popullin” theksoi Basha.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.