Birra që po shkurton 8.000 vende pune për të kursyer 2 miliardë euro – Cili është plani i prodhuesit të dytë më të madh në botë?

Kompania e dytë më e madhe e birrës në botë, Heineken NV, do të shkurtojë 8.000 vende pune për të kursyer 2 miliardë euro, në tre vitet e ardhshme. Ky është plani i ri i kursimit të kompanisë, i cili erdhi në jetë pas raporteve vjetore të cilat rezultuan “tronditëse” për Heineken.

Heineken është shprehur se nëpërmjet 2 miliardë eurove që do të kursejë, do të rikrijojë brand- in e saj, do të bëjë kompaninë më efikase dhe efektive, do të zvogëlojë kompleksitetin dhe numrin e produkteve. Ndër të tjera, kompania aspiron të bëhet birra e lidhur më së miri dixhitalisht me konsumatorët, për blerjen e birrave online.

Ndër të tjera, Heineken është shprehur se pret që kushtet e tregut të përmirësohen gradualisht në 2021 dhe në 2022, rikuperimi të ndjehej edhe më shumë.

Burimi origjinal: CNBC

Përshtati në shqip: SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.