Bitcoin dhe Ether arrijnë rekorde të reja – Optimizmi ndaj kriptovalutave dhe frika e inflacionit tërheqin fonde

Bitcoin dhe Ethereum arritën nivele rekord në tregtinë aziatike prej optimizmit mbi përshtatjen e kriptovalutave dhe shqetësimeve mbi inflacionin. Bitcoin u rrit në 67,803 dollarë dhe Ether, kriptivaluta e dytë më e madhe në vlerë tregu, shënoi 4,825 dollarë në tregtinë aziatike.  Të dy aktivet janë më shumë se dyfishuar që prej Qershorit dhe shtuan thuajse 70% të vlerës që prej nisjes së Tetorit.

Analistët thonë se kriptovaluta si Ethereum janë trendi i ri dhe aty po shkon paraja e shpejtë.  Vrulli tek këto aktive ka nisur që në muajin e kaluar, kur u prezantua fondi i parë i listuar në bursë me Bitcoin në Shtetet e Bashkuara. Fluket hyrëse në Bitcoin arritën një total prej 95 milionë dollarë javën e kaluar, duke përfaqësuar fluksin më të madh ndër të gjitha aktivet dixhitale.

Në javët e fundit, banka më e madhe e Australisë ka bërë gjithashtu të ditur se do të ofrojë tregti në kriptovalutë për klientët retail, autoritetet në Singapor kanë shfaqur interes në këtë klasë të aktiveve dhe optimizmi në tregun e aksioneve është përhapur gjithashtu tek kriptovalutat.  Kjo lëvizje ka rritur vlerën totale në treg të kriptovalutave në mbi 3 trilionë dollarë, sipas mbledhësit të të dhënave CoinGecko.  Në platformën CoinMarketcap, që ndjek 13,796 kriptovaluta, totali i vlerës së ishte më poshtë, në 2.92 trilionë dollarë.

Klevis Llaha / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.