Çfarë është intoleranca ndaj zhurmave?! – Pse tingujt e përtypjes së të tjerëve mund të jenë irritues

Në origjinën e misofonisë, një formë e intolerancës ndaj zhurmës, mund të ketë një lidhje anormale midis dy zonave të ndryshme të trurit.

Për ata që vuajnë nga misophonia, toleranca e dobët ndaj disa zhurmave, puna e padëmshme e nofullave në vaktet e të tjerëve mund të shndërrohet në një stimul të neveritshëm, madje edhe në pretekstin ideal për një shpërthim nervor. Sipas hulumtimit nga Universiteti Newcastle (MB) botuar në Journal of Neuroscience, ky shqetësim mund të lindë nga një arsye neurologjike.

Njerëzit me misofoni duket se kanë lidhje më të ngushta të trurit midis një zone që analizon tingujt dhe një pjese të korteksit premotor të trurit që është i ngarkuar me përpunimin (e duhur) të lëvizjeve të gojës dhe fytit.

Kur njerëzit me misofoni u detyruan të dëgjonin zhurmën që secili prej tyre kishin më shumë bezdi, skanimet e trurit treguan një mbi aktivitet të zonës së trurit të përfshirë në kontrollin e lëvizjes së gojës dhe fytit, krahasuar me njerëzit pa këtë gjendje – të tillë si thjesht dëgjimi i atyre zhurmave mund të stresojë zonat motorike në një masë të tillë që të jetë ndërhyrës.

Ekspertët ia atribuojnë atë që ndodh sistemit të të ashtuquajturve neurone pasqyre, neurone motorike që “ndezin” si kur një person kryen një veprim finalizues, ashtu edhe kur ai person sheh dikë tjetër që kryen të njëjtin veprim. Tek ata që vuajnë nga misofonia, aktivizimi i neuroneve pasqyrë do të dukej se prodhonte një ndjenjë urgjence, një lloj pasqyrimi të tepruar, aq sa disa njerëz me këtë gjendje gjejnë lehtësim në imitimin e vetë atyre tingujve të pakëndshëm – pothuajse për të rimarrë kontrollin e ndjesisë së perceptuar në mënyrë të pavullnetshme.

Meqenëse neuronet pasqyre mund të trajnohen, nëse kërkimi konfirmohet, mund të kërkohen mënyra për të thyer këtë lidhje dhe për të lehtësuar disa nga përvojat e pakëndshme. (FOCUS)

Edel Strazimiri / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.