Çmimet, në drejtime të kundërta – Nafta Brent e Londrës rritet me mbi 1.5%, nafta bruto bie lehtë

Çmimet e naftës po ecin në kahe të kundërta gjatë ditës së sotme, me naftën Brent të Londrës që është në rritje të konsiderueshme, ndërsa nafta Bruto amerikane është në rënie të lehtë. Nafta Brent e Londrës po mbështetet nga sanksionet e Shteteve të Bashkuara të Amerikës ndaj Iranit, pasi pjesa më e madhe e eksporteve të këtij vendi shkon në Europë.

Nafta Bruto amerikane po tregtohet në rreth 73.2 dollarë për fuçi, ndërsa nafta Brent e Londrës po tregtohet në rreth 78.8 dollarë për fuçi. Tregu i naftës në Amerikën e Veriut është përballur me një mungesë të furnizimit, për shkak të rënies së prodhimit në Kanada, duke bërë që tregut ti mungojnë rreth 300 mijë fuçi në ditë.

Megjithatë, çmimet vijojnë të mbështeten nga kërkesa rekord dhe uljes së prodhimit nga OPEC dhe Rusia, që nga fillimi i vitit 2017. Por, tashmë, OPEC deklaroi se do të rrisë prodhimin për tju përgjigjur kërkesës rekord.

Lidion Kulla/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.