Covid: Obeziteti dhe diabeti lidhen me një rrezik më të lartë nga infeksioni

Obeziteti dhe diabeti tip II përmbajnë një rrezik më të lartë të Covid të rëndë, dhe gjithashtu duket se shoqërohen me rritje të rreziqeve të ngjitjes.

Njerëzit me mbipeshë, me obezitet dhe diabet janë konsideruar, që nga fillimi i pandemisë, të jenë veçanërisht të rrezikuar të pësojnë forma të rënda të CoViD-19. Por, sipas një studimi të botuar së fundmi në PLoS ONE, ata do të ishin gjithashtu më të ndjeshëm ndaj infeksionit: mbipesha dhe diabeti i tipit II (varieteti më tipik i moshës së vjetër) do të lidheshin jo vetëm me një rrezik më të lartë të shtrimit në spital dhe komplikime të sëmundjes, por edhe një gjasë në rritje për tu prekur nga ajo.

Ajo që shkencëtarët në Universitetin e Maryland gjetën, duhet të bëhet e qartë, është një asocim i thjeshtë statistikor, jo një hetim i marrëdhënieve të mundshme shkak-pasojë. Duke analizuar të dhënat nga 500,000 vullnetarë mbi 40 të mbledhura në një bazë të dhënash të madhe biomjekësore, UK Biobank, ekipi shqyrtoi kushtet shëndetësore të atyre që rezultuan pozitivë për CoViD-19, dhe i krahasoi ato me ato të njerëzve jo të infektuar. U zbulua se pozitivët e Covid ishin më shpesh obezë ose vuanin nga diabeti i tipit II, ndërsa negativët më shpesh kishin nivele të larta të kolesterolit “të mirë” (HDL, shoqëruar me një rënie të rrezikut kardiovaskular) dhe një indeks të masës trupore (Raporti i pesha në katrorin e lartësisë) të konsideruar normal.

Hulumtimi nuk shpjegon arsyen e kësaj lidhjeje dhe thjesht tregon se “disa faktorë themelorë kardiometabolikë duket se mbrojnë nga infeksioni Covid ndërsa të tjerët i bëjnë njerëzit më të prekshëm”, shpjegon Charles Hong, autori i studimit. Gjetjet nënvizojnë rëndësinë e ruajtjes së një metabolizmi të shëndetshëm në mënyrë që të ndihmojnë sistemin imunitar të na mbrojë, për aq sa është e mundur, nga infeksioni ndërsa presim vaksinën.

Studimet e kaluara kanë spekuluar se gjendja inflamatore e përhapur te njerëzit me mbipesha mund të krijojë një “precedent të rrezikshëm” për një reagim jo proporcional ndaj sulmit të koronavirusit. Nga ana tjetër, diabeti shoqërohet me rezultate më serioze në shumë infeksione (përfshirë gripin), për të mos përmendur që hiperglicemia mund të dëmtojë indet në planin afatgjatë: këto karakteristika e bëjnë sëmundjen një faktor rreziku që duhet mbajtur nën kontroll të rreptë. (Focus)

Edel Strazimiri / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.