“Dekada e humbur” e energjisë! Sektori ka humbur rëndësi këto 10 vite, ku SHBA është kthyer në lider

Kjo ka qenë një dekadë e humbur për aksionet e kompanive të energjisë në Shtetet e  Bashkuara. Luhatja e çmimeve të lëndëve të para si pasojë e rritjes së ofertës, performancës së dobët financiare dhe humorit të investitorëve, ka bërë që sektori i energjisë të lihet mënjanë nga investitorët.   Nafta bruto amerikane ka rënë me më shumë se 20% në këtë dekadë, ndërkohë që edhe rritja e energjisë alternative ka sjellë sfida,  duke bërë që investitorët të mos blejnë aksionet e firmave që përdorin lëndë djegëse fosile.

Megjithatë, gjatë fundit të dekadës, disa investitorë kanë thënë se energjia diellore po fiton pjesë në tregun e energjisë. Ngadalësimi i sektorit të energjisë bëri kontradiktë me fuqizimin e prodhimit të naftës në Shtetet e Bashkuara. Dhjetë vite më parë, Shtetet e Bashkuara ishin një importues neto prej 10 milionë fuçi në ditë të naftës.  Vendi po e përfundon dekadën si eksportuesi neto më i madh në botë.  Sektori i energjisë i Standard & Poor’s regjistroi një kthim tejet të ulët prej 6% këtë dekadë, krahasuar me një rritje prej 180% të indeksit të titujve të kapitalit S&P 500.

Performanca e dobët e sektorit të energjisë ka bërë që bjerë rëndësia që ka në tregun e aksioneve. Energjia përfaqëson më pak se 5% të totalit të indeksit S&P 500, nga 15% që kishte në vitin 2008, ku çmimi i naftës kaloi 140 dollarë për fuçi.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.