Ekonomia kineze, në vrull – Fabrikat me performancën më të mirë në 5 vite

Aktiviteti i manifakturës në Kinë gjatë Shtatorit  u rrit me hapin më të shpejtë që prej vitit 2012.

Fabrikat në vend kanë shfrytëzuar kërkesën mjaft të lartë por edhe çmimet e larta, duke larguar kështu shqetësimet për një ngadalësim të ekonomisë kineze.

Prodhimi, numri total i porosive si dhe çmimet e prodhimit, kanë prekur nivelin më të lartë në të paktën një vit, duke sugjeruar një boom të sektorit.

Indeksi PMI që është një ndër indikatorët më të mirë të aktivitetit ekonomik, u ngjit në 52.4 pikë gjatë Shtatorit, nga 51.7 pikë që ishte në muajin Gusht, tregojnë të dhënat e fundit.

Niveli i 50 pikëve ndan rritjen nga kontraktimi, dhe ky është muaji i 14-të me radhë mbi këtë nivel për sektorin.

Të dhënat e Shtatorit rezultojnë gjithashtu më të lartat që prej muajit Prill të vitit 2012. Këto të dhëna janë publikuar vetëm  dy javë përpara kongresit të partisë komuniste në Kinë, një takim ky që mbahet një herë në 5 vite dhe që është përcaktues për të ardhmen e ekonomisë së dytë më të madhe në botë.

Prodhuesit kinezë raportojnë fitimet më të larta ndër vite, që marrin shtysë edhe nga shpenzimet e mëdha të qeverisë, kryesisht në infrastrukturë.

Roel Korkuti/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.