Europa s’pyet për SHBA, Le Maire: Po krijohet mekanizmi për të tregtuar me Iranin

Ministri francez i Financave, Bruno Le Maire, tha se po zhvillohet një sistem europian për të mundësuar tregtinë pa dollarë me Iranin, në përpjekje që të anashkalojë sanksionet amerikane.

“Mekanizmi i Qëllimit të Veçantë” do të jehojë vendet europiane që të vazhdojnë tregtinë me prodhuesin e OPEC dhe sipas Bruno Le Maire, do të krijohet në ditët e ardhshme.

Ministri i Jashtëm Francez kishte folur gjithashtu për këtë ide gjatë javës së kaluar.

“Shtete e Bashkuara kanë vendosur sanksione ndërterritoriale ndaj Iranit. Kjo nënkupton se kompanitë tona nuk mund të tregtojnë më me Iranin për shkak se mund të mos paguhen, pasi pagesat kalojnë nëpërmjet bankave, që varen ndaj institucioneve amerikane. Ne do të krijojmë në ditët e ardhshme një institucion financiar europian të pavarur, me Mbretërinë e Bashkuar, Gjermaninë dhe Francën”, Bruno Le Maire. 

Le Maire tha se nëpërmjet kësaj marrëveshjeje që pritet të nënshkruhet në ditët e ardhshme, Europa po i tregon botës se është e aftë që t’i rezistojë dy superfuqive botërore, Shteteve të Bashkuara dhe Kinës.

Klevis Llaha/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.