Fiton $6.6 mld në 1 ditë – Jeff Bezos bëhet më i pasur pas rritjes së Amazon në vlerë tregu
Pasuria e themeluesit të Amazon.com, Jeff Bezos, u rrit me 6.6 miliardë dollarë gjatë sesionit tregtar të ditës së Enjte. Kjo erdhi pasi shitësi online me pakicë raportoi rezultatin për tremujorin e tretë, ku të ardhurat thyen vlerësimet e analistëve.
Nëse performanca në bursë e Amazon.com vazhdon e fortë, ai pritet të kalojë themeluesin e Microsoft, Bill Gates, duke u kthyer në personin më të pasur në botë. Amazon u rrit me 8.5% në vlerë tregu.
Në 1,055 dollarë për aksion. Gates e mbylli ditën e enjte me një pasuri prej 87.9 miliardë dollarë, duke mbetur në avantazh ndaj Bezos me 4.5 miliardë.
Bezos ka shtuar 18.1 miliardë dollarë në pasurinë e tij, nëpërmjet rritjes së vlerës së aksioneve të Amazon që ai zotëron.
Pasuria neto e Bill Gates është rritur me 5.56 miliardë, pavarësisht donimit të 4.6 miliardë dollarë nga aksionet e Microsoft drejt Fondacionit Bill & Melinda Gates në muajin Gusht.
Që prej vitit 1996, Gates ka dhuruar për bamirësi rreth 700 milionë aksione të Microsoft si dhe 2.9 miliardë dollarë në cash. Kjo do ta çonte pasurinë e tij në 150 miliardë dollarë.
Klevis Llaha/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.