FOTOT/Qiellgërvishtësja më e lartë në botë që hapet në 2020, ja si do të duket ajo!

Këto janë imazhet që tregojnë se çfarë do të njihet së shpejti si ndërtesa më e lartë në botë që ngrihet nga shkretëtira.

Kur kulla prej 1000 metrash lartësi e Jeddah në Arabinë Saudite të hapet, ajo do të marrë fronin e Burj Khalifa si qiellgërvishtësja më e lartë në botë me 72 metra më shumë.

Ndërtimi i këtij monumenti është vlerësuar 1.4 miliardë dollar, dhe pritet të hapet në 2020.

Kjo kullë do të jetë xhevahiri i “Qendrës Ekonomike Jeddah”, një projekt komercial e rezidencial prej 57 milion metrash katrorë, që do të përfshijë shtëpi, hotele, zyra si dhe shumë atraksione turistike.

Por sigurisht si gjithçka e madhe, projekti ka patur problematikat e saj por Kompania Ekonomike Jeddah, zhvilluesja e këtij projekti ka konfirmuar për CNN se projekti do të përfundojë deri në vitin 2020 ashtu siç është planifikuar.

V.H/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.