Holanda promovon bukuritë e Shqipërisë – Njoftohet nisja e serialit ‘I infiltruari’ me 12 seri në vendin tonë

Reality show i famshëm holandez ‘I infiltruari’ ka zbuluar nisjen e sezonit të ri i cili këtë vit ka xhiruar në vendin tonë 12 seri, që janë promovimi më fantastik i bukurive magjepsëse të vendit tonë dhe do t’i tregojnë publikut holandez një Shqipëri krejt tjetër nga ajo e stereotipit të krijuar në kaq shumë vite për atdheun e shqiptarëve.

Njoftimi është bërë me dije nga kryeministri Edi Rama në faqen e tij zyrtare. “Kur trupa e xhirimit erdhi në Shqipëri për hulumtime, mundësia që vendi ynë të zgjidhej ishte fare e vogël, por në fund të qëndrimit të tyre pak ditor këtu, ata ishin 100% të bindur për Shqipërinë si vendi ideal për spektaklin e tyre. Shkurt llafi, përgatituni për një dallgë të pazakonshme turistësh hollandezë sezonin e ardhshëm”, shkruan Rama.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.