Industria e automjeteve në krizë – Pas Audi dhe BMW edhe Daimler njofton shkurtime punonjësish

Daimler, kompania që prodhon Mercedes-Benz planifikon të shkurtojë ndjeshëm forcën e punës duke filluar nga viti i ardhshëm.

Madje kjo gjë është dakordësuar edhe me këshillat e punës, njofton vetëm kompania. Objektivi përfundimtar i shkurtimeve planifikohet të arrihet brenda fundit të vitit 2022.

Aksionet e kompanisë me bazë në Stuttgart ranë me më shumë se 1% menjëherë pas këtij lajmi. Përgjatë të gjithë këtij viti, aksionet e kompanisë janë rritur me 12% për të prekur nivelin e 55 miliardë euro si kapitalizim në treg.

Prodhuesi numër një në botë i makinave të luksit përgatiti tregjet dhe investitorët për një vendin të tillë më herët gjatë muajit, kur kreu i ri i kompanisë deklaroi se në dy vitet e ardhshme pritet një rënie e fitimeve.

Industria e automjeteve po përballet me shumë sfida gjatë viteve të fundit dhe një ndër to është rënia e ndjeshme e kërkesës nga një treg si Kina.

Edhe Audi apo BMW më herët gjatë javës prezantuan planet për shkurtime të forcës punëtore. Audi do të shkurtojë 9500 vende ose 15% të forcës totale të punës, në mënyrë që të nxisë të ardhurat me 6 miliardë euro.

BMW ndërkohë do të ulë bonuset për punonjësit. Daimler do të ulë edhe orët javore të punës për punonjësit.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.