Ish-presidenti sudanez Bashir, i akuzuar për korrupsion, shfaqet në publik për herë të parë që nga grushti i shtetit

Ish presidenti sudanez Omar al-Bashir u akuzua për vepra të lidhura me korrupsionin të dielën kur u shfaq për herë të parë në publik që nga përmbysja e tij në prill. Ushtria e hoqi nga pushteti pas disa muajsh protestash masive kundër 30 viteve të qeverisjes së tij. Ai është arrestuar në kryeqytetin Khartoum. Bashiri, i veshur me veshjen e tij tradicionale të bardhë dhe çallmën, buzëqeshi mediave teksa arriti në zyrën e prokurorit. Pak minuta më vonë, ai doli dhe u nis shpejt në një makinë pasi dëgjoi nga prokurori akuzat kundër tij.

Bashiri po mbahet në një burg në Khartoumun e veriut që prej 11 Prillit, kur ushtria përmbysi qeverinë e tij pas 16 javë demonstratash. Revolta filloi në dhjetor 2018, kur qeveria miratoi masa shtrënguese emergjente dhe një zhvlerësim të mprehtë të monedhës për të parandaluar rënien e ekonomisë.

Atëherë që demonstrimet filluan në lindje, të shkaktuara nga shkurtimet në subvencionet e bukës dhe karburantit, ato u përhapën shpejt në kryeqytetin Khartoum,  me protestuesit që kërkonin heqjen e Presidentit Bashir.

Burimi: Euronews

Edel Strazimiri / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.