Jaguar shkurton më shumë vende pune në Britani – Zhvendos prodhimin e Discovery në Sllovaki

Jaguar Land Rover (JLR) është i vendosur të shkurtojë më shumë vende pune në Britaninë e Madhe pasi po zhvendos të gjitha prodhimet e automjetit Discovery në Sllovaki me kosto më të ulët, përpara se të ndërtojë Range Rover e saj të ri në një fabrikë angleze.

“Humbjet potenciale të një agjencie të punësuar në Britani të Madhe janë të vështira, por janë pjesë e strategjisë sonë afatgjatë të prodhimit, ndërsa transformojmë biznesin tonë globalisht”, tha kompania përmes një deklaratë.

Prodhimi i zhvendosur nga Britania do të reduktojë disa mijëra paund nga kostoja për automjet, tha shefi i Zyrës së Financave të firmës, Ken Gregor, vitin e kaluar.

Gama e re Range Rover do të ndërtohen në fabrikën qendrore të firmës Solihull, në një arkitekturë e cila është projektuar për të prodhuar modele diesel, benzinë, elektrike dhe hibride.

Njoftimi i së hënës vjen pasi kompania kishte deklaruar më parë se këtë vit do të shkurtojë 1 000 vende pune dhe do të pakësojë prodhimin në dy nga fabrikat e saj angleze, pasi kërkesa për automjetet me naftë do të ulet përballë taksave më të larta dhe rregullave të reja.

Firma gjithashtu ka fajësuar Brexit për uljen e kërkesës në tregun e dytë më të madh të makinave në Evropë, e cila ra me 6 % vitin e kaluar. Në Britani, kompania ka ndërtuar mbi 530 000 makina në vitin 2017 duke punësuar afërsisht 40 mijë vetë.

G.D/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.