Kanadaja rekomandon përdorimin e AstraZeneca edhe për të moshuarit mbi 65-vjec / “Provat tregojnë se nuk ka asnjë rrezik”

Në një përmbysje të udhëzimit të lëshuar në fillim të këtij muaji, Komiteti Kombëtar Këshillues i Kanadasë për Imunizimin (NACI) tani po rekomandon që vaksina COVID-19 e AstraZeneca të përdoret për njerëzit e moshës 65 vjeç ose më të vjetër.

Komiteti tani thotë se provat reale kanë demonstruar se vaksina është e sigurt dhe efektive tek të rriturit e moshuar, veçanërisht kundër sëmundjeve të rënda nga COVID-19 dhe shtrimit në spital.

Akoma, nëse ka një zgjedhje, NACI thotë se vaksinat e mARN – si Pfizer dhe Moderna – duhet të kenë përparësi për t’u përdorur tek të moshuarit, por që ata rekomandojnë përdorimin e AstraZeneca për këdo mbi moshën 65 vjeç.

Sidoqoftë, edhe ai rekomandim mund të ndryshojë së shpejti, tha kryetarja e NACI, Dr. Caroline Quach.

“Është e mundur, bazuar në provat e botës reale nga këto vaksina mARN, që rekomandimi preferencial mund të ndryshojë”, tha ajo.

“Unë mendoj se njerëzit duhet ta kuptojnë se nuk është se ne jemi duke u rrokullisur, ne thjesht po përpiqemi të monitorojmë provat,” vazhdoi ajo.

D.B – SCAN
Burimi: Global News

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.