Katastrofat natyrore/ Dëmi ekonomik për 2017, 306 miliardë dollarë. Vitet kur dëmet kanë qenë më të mëdha
Katastrofat natyrore dhe ato të “krijuara” nga dora e njeriut shkaktuan rreth 306 miliardë dollarë dëm ekonomik në mbarë botën për 2017.
Shifrat u bënë publike pas vlerësimit nga gjigantja e sigurimeve “Swiss Re”. Arsyet kryesore të katastrofave natyrore lidhen me motin ekstrem që goditi disa vende këtë vit.
Këtu mund të përmendim tre uraganet – Harvey, Irma dhe Maria që goditën SHBA dhe Karaibet, duke shkaktuar rreth 93 miliardë dollarë humbje, ndërkohë që zjarret vazhdojnë të krijojnë probleme në Kaliforni.
Dy tërmete të fuqishme goditën Tehuantepec dhe Puebla në Meksikë në mes të shtatorit, duke shkaktuar një numër të madh viktimash dhe mbi 2 miliardë dollarë humbje.
“Tropical Cyclone Debbie” gjithashtu shkaktoi dëme të konsiderueshme në Australi, me 1.3 miliardë dollarë dëme.
Humbjet arritën kulmin në vitin 2011 me 440 miliardë dollarë, vit kur Japonia u godit nga tërmeti Tōhoku dhe tsumani që çoi në katastrofën në Fukushima.
2008 gjithashtu mund të mbahet mend për “ Ciklonin Nargis”, ku humbën jetën 135,000 persona në Mianmar, duke u pasuar nga një tërmet në provincën Sichuan të Kinës, ku humbën jetën 70,000 persona. Dëmi ekonomik për atë vit arriti në 297 miliardë dollarë.
os.de/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.