Koncepti i këtij treni gjerman mund t’i bëjë udhëtimet tuaja vërtetë argëtuese
Gjermania ka qenë prej kohësh përpara kur bëhet fjalë për inovacionet teknologjike dhe koncepti më i fundit i një treni futuristik nga kompania shtetërore hekurudhore, Deutsche Bahn e tregon më së miri këtë.
I shfaqur në Nuremburg javën e kaluar, “Ideenzug” që përkthehet ndryshe si “Treni i Ideve” do të revolucionojë udhëtimin me tren.
Tapiceria moderne, pajisjet teknologjike, karriget që nuk bëjnë zhurmë, tabletat për gjithsecilin dhe gjithçka që ky tren përmban janë ato që japin të gjithë komoditetin dhe e kthejnë udhëtimin tuaj në një parajsë.
Gjithashtu në këtë tren gjendet edhe një studio palestër me pajisje stërvitore dhe trajnerë virtualë.
I dizenjuar për të konkurruar me realitetin e afërt të makinave autonome “Treni i Ideve” ka qenë duke u zhvilluar për vite me radhë.
Dhe ndërsa është ende në fazën e zhvillimit me siguri inxhinieria gjermane nuk do të kthehet më mbrapa.
V.H/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.