Konkurrenca e drejtë në Kinë – Vendi zgjeron aksesin në treg për investitorët e huaj
Kina po përparon në hapjen e mëtejshme të tregut ndaj investitorëve jashtë vendit, duke prezantuar një listë më të shkurtër negative për aksesin e tregut këtë javë.
Versioni i fundit i listës negative për aksesin në treg, i publikuar nga Komisioni Kombëtar i Zhvillimit dhe Reformave dhe Ministrisë së Tregtisë, përbëhet nga 151 zëra dhe 581 rregulla specifike, në rënie me 177 dhe 288 në mënyrë respektive, krahasuar me versionin e vitit 2016.
Lista negative paraqet sektorët dhe bizneset që janë të limituara për investitorët. Industritë që nuk janë në listë, janë të hapura për investime ndaj të gjithë lojtarëve të tregut.
“Nëpërmjet këtij versioni të listës negative për aksesin në treg, qeveria e bën të qartë se po ndryshon qasjen e mbikëqyrjes proaktive të tregut”, tha një nga pjesëtarët përgjegjës për rishikimin e listës negative, nën autoritetin e Komisionit të Zhvillimit dhe Reformave.
Kina nisi të ndryshojë qasjen ndaj kësaj liste në vitin 2016 në 4 provinca të vendit që kanë zona të lira tregtare. Projekti pilot u zgjerua në 11 provinca në vitin 2017.
Sipas Komisionit të Zhvillimit dhe Reformave, që është planifikuesi kryesor ekonomik i Kinës, qasja ndaj listës negative do të bëjë që tregu të luajë një rol vendimtar në alokimin e burimeve dhe do të mundësojë një konkurrencë të drejtë për të gjithë investitorët.
Klevis Llaha/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.