Koronaviorusi/ 254 viktima në njëzet e katër orët e fundit – Pekini shkarkon kreun e partisë në Wuhan

Kina ka regjistruar 254 viktima të reja dhe 15.152 raste të tjera të infektimit në buletinin e epidemisë Covid-19. Shifrat e reja, të cilat marrin parasysh ndryshimin në parametrat diagnostikues në provincën epiqendër të shpërthimit, Hubei, u njoftuan nga autoritetet shëndetësore. Me azhurnimin zyrtar, vdekjet kështu rriten në 1.367 në Kinë dhe infeksione totale në 59.804. Përsëri vetëm në provincën e Hubei, ka 3,441 raste shërimi.

Qeveria kineze ka siguruar të dhënat e reja. Ndryshimi i papritur i numrit të viktimave të koronavirusit në Kinë është i lidhur me modifikimin e parametrave diagnostikues. Autoritetet shëndetësore të provincës ku është epiqendra e epidemisë kanë sqaruar se ata kanë ndryshuar kriteret për të konfirmuar rastet e infektimit, duke siguruar diskrecion më të madh për mjekët që të vendosin nëse një pacient është i infektuar. Këto janë “raste të diagnostikuara klinikisht” për të lehtësuar gjithashtu qasjen më të shpejtë në trajtim e shërimit.

Ndërkohë autoritetet e Pekinit kanë shkarkuar nga detyra drejtuesit e Partisë Komuniste Kineze të Provincës Hubei dhe Qytetit Wuhan, epiqendrat e epidemisë së koronavirusit. Kjo u njoftua nga transmetuesi CCTV, duke theksuar se të dy mund të kenë tentuar të fshehin lajmet fillestare për përhapjen e virusit. Siç shpjegon Xinhua, sekretari i Partisë Komuniste Hubei, Jiang Chaoliang, 61 vjeç, është zëvendësuar nga Ying Yong, 61 vjeç, ish-kryetari i Shangait. Global Times raporton se kreu i partisë komuniste kineze në Ëuhan, 56-vjeçari Ma Guoqiang, gjithashtu është hequr nga pozicioni i tij dhe është zëvendësuar me Wang Zhonglin, 57 vjeç, sekretar i partisë Jinan, kryeqyteti i provincës Shandong. (LaStampa)

E . S / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.