Koronavirus: A mundet BE-ja të kontrollojë krizën dhe t’i shpëtojë ndarjes?!

Koronavirusi nuk merr vetëm jetë njerëzish, por me kushtet e reja të jetesës që vendosi në vende të ndryshme të botës, ai prek dhe ekonomitë e tyre. Pas minimizimit të numrit të vdekjeve nga ky virus, shpëtimi i një kolapsi ekonomik është sfida e cdo qeverie. Frika ka kapluar më së shumti qeveritarët e Bashkimit Europian, pasi virusi ka zënë vend prej javësh tashmë në Europë. Ditën e djeshme, liderët e BE-së ‘’u takuan’’ permes një videokonference për të diskutuar rreth sfidave me të cilat po i përball Covid-19, ku kërkuan që të kishin një ripasqyrim të situatës ekonomike brenda dy javësh, pas kërkimeve që do të bëhen nga ministrat e financave, në lidhje me gjendjen në të cilën ndodhen ekonomitë e këtyre vendeve. Sipas tyre, koronavirusi thjesht nxorri në pah vështirësitë ekzistuese të këtyre vendeve.

Së pari, nxorri në pah tensionin midis pushtetit centralizues në “Bruksel” kundrejt arritjes së vendimmarrjeve me qeveritë  parlamentet kombëtare. Nisur nga shëndeti publik, i cili  është një kompetencë kombëtare, dhe për këtë arsye kemi parë vende të ndryshme të BE-së që marrin masa të ndryshme kombëtare për të lehtësuar efektet e Covid-19.

Dhe së dyti, kur bëhet fjalë për ekonominë, kur vendet më të pasura si Hollanda dhe Gjermania kur dëgjojnë fjalët “ndarje borxhesh” ose “solidaritet”,ajo që nënkuptojnë është se vendet më të pasura të BE-së në Europën veriore kanë për qëllim të ndajnë faturën më vendet më të varfëra të jugut; Ndërkaq, Haga dhe Berlini nuk e përqafuan idenë e eurobonove, me të cilën duket sikur koronavirusi do t’i detyrojë të mësohen me idenë.

Kur vendet e BE-së mbyllën kufijtë e tyre kombëtar me njëri-tjetrin gjatë krizës së migrantëve në vitin 2015, shumë parashikuan shkatërrimin e bllokut, por BE-ja u ribashkua. Dhe skenari më i mundshëm, është që e njëjta gjë të ndodhë sërish.

Edhe pse me kufij të mbyllur, Austria, Franca dhe Gjermania kanë dërguar të gjitha maska ​​mbrojtëse në Itali. Gjermania ka marrë në pacientët Covid-19 nga Italia dhe Franca fqinje, duke treguar kështu një solidaritet shumë të qartë.

Udhëheqësit e BE-së gjithashtu kanë vendosur urdhra të përbashkët për ventilatorët e rinj; ata ranë dakord dy javë më parë të vulosin kufijtë e jashtëm të zonës së pasaportave Shengen dhe ata po vendosin korsi përparësie të gjelbërta për kamionët e dorëzimit në kufijtë kombëtar, në mënyrë që eksportet dhe importet e ushqimit dhe furnizimeve mjekësore të mos mbahen më nga kufizimet që janë vendosur për shkak të virusit.

Së bashku me pjesën tjetër të grupit të G20 të vendeve të pasura, BE ka rënë dakord të investojë në kërkimin e një vaksine për koronavirusin, që të vihet në dispozicion në të gjithë botën.

Për sa i përket anës ekonomike, Komisioni Evropian gjithashtu ka pezulluar përkohësisht rregullat e eurozonës për borxhin e qeverisë, duke i lejuar vendet anëtare të shpenzojnë ato që u nevojiten për të mbijetuar nga kjo krizë sa më lehtë të jetë e mundur.

Për më tepër, Banka Qendrore Evropiane njoftoi një paketë shpëtimi prej 750 miliardë dollarësh, duke deklaruar se “nuk ka kufij” në angazhimin e saj për të ruajtur euron.

Ndër të tjera, Banka Qëndrore, ka deklaruar se ekziston një “marrëveshje e gjerë” midis vendeve të BE për të përdorur Mekanizmin e Stabilitetit Evropian, të ngritur në vitin 2012 pas krizës financiare, si një fond emergjence i krizës koronavirus.

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.