Kriza emigrantëve / Evropa premton 700 mln euro ndihmë, paisje dhe forca ushtarake në ndihmë të Greqisë
Kreu i Komisionit Evropian i ka dërguar një mesazh të fortë mbështetjeje Greqisë në përpjekjet e saj për të ndaluar migrantët të kalojnë kufirin e saj nga Turqia.
“Prioriteti ynë i parë është të sigurojmë ruajtjen e rendit në kufirin e jashtëm grek, i cili është gjithashtu një kufi evropian,” tha Ursula von der Leyen.
Ajo i premtoi Greqisë, të cilën e quajti një “mburojë Evropiane”, 700 milion € në ndihmë financiare.
Turqia hoqi kontrollet mbi migrantët që dilnin për në BE të Premten.
Qeveria e Erdogan mori vendimin pasi pësoi një humbje të rëndë ushtarake në veri-perëndim të Sirisë, ku është përpjekur të krijojë një zonë të sigurt për të zhvendosur miliona refugjatë sirianë që mori brenda gjatë luftës civile në vazhdim.
Të paktën 24,000 njerëz janë ndaluar të kalojnë kufirin nga Turqia që nga e shtuna, sipas shifrave të qeverisë Greke.
Kryeministri austriak Sebastian Kurz ka akuzuar Presidentin turk Rexhep Tajip Erdogan se ka përdorur migrantët si gurë. Ai gjithashtu njoftoi se qeveria e tij kishte forcuar kufijtë e Austrisë për të siguruar që fluksi masiv i refugjatëve dhe migrantëve të vitit 2015 nuk do të përsëritej.
Shefi i politikës së jashtme të BE-së Josep Borrell do të vizitojë Ankaranë për të diskutuar vendimin e Turqisë për heqjen e kufizimeve për migrantët, duke braktisur një marrëveshje të arritur në vitin 2016.
Si po ndihmon BE-ja Greqinë?
Zonja Von der Leyen inspektoi kufirin tokësor të martën së bashku me shefin e Këshillit Evropian Charles Michel dhe kryetarin e Parlamentit Evropian David Sassoli, të shoqëruar nga Kryeministri Grek Kyriakos Mitsotakis.
Mbështetja që ajo njoftoi për Greqinë përfshinte:
-700 milion € ndihmë për menaxhimin e migracionit
-Një forcë Frontex që përfshin shtatë anije, dy helikopterë, një aeroplan, tre automjete me pamje termike dhe 100 roje kufitare shtesë
-Ndihma për mbrojtjen civile, përfshirë pajisjet dhe ekipet mjekësore, dhe strehëzat
“Brengat Greke janë edhe shqetësimet tona,” u tha ajo gazetarëve në vendkalimin kufitar të Kastajtanit.
“Ky kufi nuk është vetëm një kufi Grek por është edhe një kufi evropian dhe unë qëndroj këtu sot si evropian në anën tuaj … Ne kemi ardhur këtu sot për të dërguar një deklaratë shumë të qartë të solidaritetit dhe mbështetjes evropiane për Greqinë. Jam plotësisht i përkushtuar të mobilizoj të gjithë ndihmën e nevojshme operacionale për autoritetet greke.” – u shpreh Von der Leyen.
Ajo shtoi se dëshironte të shprehte “dhembshurinë e saj për migrantët që janë joshur përmes premtimeve të rreme në këtë situatë të dëshpëruar”.
Duke mbrojtur linjën e tij të ashpër për ruajtjen e kufirit, Kryeministri Mitsotakis tha se Greqia nuk mund dhe nuk do të “shantazhohej”.
“Ky nuk është më një problem i refugjatëve,” tha ai. “Kjo është një përpjekje e ashpër e Turqisë për të përdorur njerëz të dëshpëruar për të promovuar axhendën e saj gjeopolitike dhe për të larguar vëmendjen nga situata e tmerrshme në Siri.”
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.