Kryeminisitri francez prezanton strategjinë e hapjes graduale: “Pas bllokimit, fillon faza e monitorimit deri në 2 qershor”

Kryeministri francez, Eudouard Philippe, ka filluar të përshkruajë axhendën për përfundimin e bllokimit të koronavirusit në Francë për deputetët në Asamblenë Nacionale.

Bllokimi do të pasohet nga një fazë monitorimi, e cila do të vazhdojë deri më 2 qershor, me rregullore që ndryshojnë midis rajoneve. “Strategjia jonë kombëtare duhet të përshtatet në rrethana të ndryshme,” tha Philippe, duke shtuar se ai do të takohet me zyrtarët lokalë të Mërkurën dhe sindikatat të enjten për të diskutuar përfundimin e masave të bllokimit.

Philippe gjithashtu tha se ekziston rreziku që ekonomia e Francës të shkojë në kolaps nëse bllokimi nuk do të merrte fund, ndërsa spitalet e vendit e kishin përballuar mirë sfidën e paraqitur nga virusi, sipas tij.

“Rreziku i një valë të dytë, që mund të nënkuptojë një bllokim tjetër, është një rrezik që duhet ta marrim seriozisht,” tha ai, duke shtuar që Franca duhej të “mbronte, testojë dhe izolojë”.

“Pra, ne duhet të jetojmë me virusin, t’i japim fund bllokimit në mënyrë progresive dhe t’i përshtatemi rrethanave; këto janë tre elementët e strategjisë sonë, “tha ai.

Philippe tha se disponueshmëria e maskave ishte një temë që zemëroi dhe shqetësoi shumë francezë.

Ai tha se autoritetet lokale që blenë maska ​​do të rimbursohen nga qeveria për gjysmën e çmimit, dhe se do të kishte masa të mjaftueshme në vend për publikun e gjerë deri më 11 maj, ditën kur përfundon bllokimi, por tha se do të nevojiten kohë që maska ​​të gjendeshin lirshëm dhe gjerësisht të disponueshme nëpër dyqane.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.