Linja ndërkombëtare hekurudhore e Kosovës – BE jep grantin e dytë prej 17.2 mln euro
Ndërsa modernizimi i hekurudhave ndërkombëtare po përparon me shpejtësi, Kosova ka përfituar grantin e dytë shtesë prej 17.2 milionë euro nga Bashkimi Europian. Sipas Bankës Europiane për Rindërtim dhe Zhvillim (BERZH), ky grant do të përdoret për fazën e dytë të përmirësimit të lidhjes së vetme ndërkombëtare hekurudhore të Kosovës.
Marrëveshja për fazën e dytë të projektit është nënshkruar sot nga ministri i Financave Bedri Hamza, shefja e Zyrës së BE-së dhe përfaqësuesja speciale e BE-së në Kosovë, Nataliya Apostolova, si dhe drejtoresha e Bankës Evropiane për Rindërtim dhe Zhvillim (BERZH) për sektorin e Transportit, Sue Barrett.
Më herët, në shkurt të 2018-ës, Kosova mori gjithashtu bashkëfinancimin e granteve prej 38.5 milionë euro nga BE përmes Kornizës së Investimeve të Ballkanit Perëndimor (WBIF) për fazën e parë të punimeve. Projekti do të përmirësojë lidhjen e rrjetit hekurudhor të Kosovës dhe rrjetit më të gjerë europian përmes transportit europian Korridori VIII dhe Korridori X.
Pjesa e tretë e vijës hekurudhore nga Mitrovica deri në kufirin me Serbinë do të po ashtu do t’i nënshtrohet procesit të modernizimit duke përfituar po ashtu nga financimi i BE-së dhe WIBF.
“Projekti i hekurudhës së Kosovës është pjesë e rrjetit hekurudhor të Ballkanit Perëndimor, një zgjerim i rrjeteve Trans-Europiane të Transportit, e cila është pjesë e përpjekjeve më të madhe të BE-së për të nxitur lidhjen e transportit në Ballkanin Perëndimor”, theksoi BERZH.
G.D/SCAN
Kosova merr grant 38.5 mln euro nga BE linjën hekurudhore që e lidh me rrjetin europian
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.