Linjat ajrore pas pandemisë/ Analistët: Do të ofrojnë më pak zgjedhje dhe tarifa më të larta pas krizës së Koronavirusit

Trafiku i linjës ajrore ka rënë në mënyrë drastike dhe me siguri nuk do ta rimarrë veten dot shumë shpejt. Pagesa e ndihmës së aviacionit prej 50 miliardë dollarësh e kaluar javën e kaluar do t’i mbajë linjat ajrore në biznes dhe punonjësit në punë për gjashtë muajt e ardhshëm. Megjithatë, drejtuesit e linjave ajrore sugjeruan se ata presin më pak fluturime dhe zvogëlimin e kërkesës për udhëtime ajrore për një kohë mjaft të gjatë.

“Nëse rimëkëmbja është aq e ngadaltë sa ne kemi frikë, kjo do të thotë që linja jonë ajrore dhe forca jonë punëtore do të duhet të jetë më e vogël se sa është sot,” tha Drejtori i Përgjithshëm i United, Oscar Munoz dhe Presidenti Scott Kirby në një mesazh për punonjësit e tyre.

Një industri më e dobët e linjave ajrore do të thotë se disa nga 750,000 vendet e punës që kishte industria në fillim të vitit 2020 nuk do të kthehen. Qindra aeroplanë pothuajse me siguri do të qëndrojnë në bazë, gjë që do të thotë më pak kapacitet dhe tarifa më të larta.

Shumë nga vendet me kosto të ulët që udhëtarët kanë marrë deri më sot do të zhduken. GJithashtu do të ketë më pak zgjedhje – të linjave ajrore, të kohës së fluturimit dhe të rrugëve dhe tregjeve në dispozicion. E gjitha kjo do të thotë që pasagjerët do të paguajnë më shumë kur të rikthehen në ajër.

“Më pak vende dhe sedilje në fluturim do të thotë më pak vende të lira dhe oferta,” tha Philip Baggaley, analist kryesor i kredisë për linjat ajrore për S&P Global.(CNN)

E . S / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.