Merkel lë të kuptohet që do të rikthehet në akademi pas politikës
Kancelarja gjermane Angela Merkel duket se sugjeroi që ajo do të kthehej në akademi në fund të mandatit të saj aktual, i cili përfundon në 2021.
“Të gjitha universitetet që më kanë dhënë një doktoratë nderi, sidoqoftë, do të dëgjojnë përsëri nga unë, kur unë mos të jem më kancelare,” tha Merkel në një fjalim në HHL Leipzig Graduate School of Management.
“Do të kthehem dhe nuk do të qëndroj për një kohë të shkurtër si sot. Do të qëndroj më gjatë ” shtoi ajo.
Merkel u tërhoq si udhëheqëse e partisë së Unionit Kristian Demokratik (CDU) vitin e kaluar pas humbjeve në zgjedhjet e shtetit dhe tha se mandati i saj aktual do të ishte i fundit për të.
Nebi Xhomaqi / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.