Minatori amator bën zbulimin e jashtëzakonshëm – Gjen dy gurë të çmuar me vlerë mbi 3 milion dollarë

Një minator artizanal në Tanzani thuajse fitoi lotarinë pasi qeveria i dha atij një pagesë prej 3.35 milion dollarë për zbulimin e dy gurëve të çmuar më të mëdhenj të gjendur ndonjëherë në vend.

Dy gurët e çmuar me ngjyrë blu-vjollcë të errët, secila me madhësinë e një parakrahu, u zbuluan nga Saniniu Laizer në një prej minierave të Tanzanisë në veri të vendit të cilat janë të rrethuara nga një mur për të kontrolluar kontrabandën ndërkufitare të gurëve me vlerë.

Gur i parë i çmuar peshonte në 9.27 kg ndërsa i dyti peshonte 5.103 kg, tha një zëdhënës i ministrisë së minierave. Tanzanite është një gur i çmuar që gjendet vetëm në një rajon të vogël verior të kombit të Afrikës Lindore.

Laizer u fotografua në televizionin kombëtar duke u paraqitur me çekun në dorë pasi Banka e Tanzania i bleu atij dy gurët e çmuar. Presidenti John Magufuli telefonoi për të uruar Laizer live në televizion. Tanzania vitin e kaluar ngriti qendra tregtare në të gjithë vendin për të lejuar minatorët artizanal të shesin gurët e çmuar dhe arin e tyre për qeverinë. Minatorët artizanal nuk janë zyrtarisht të punësuar nga asnjë kompani minerare dhe zakonisht punojnë me duar pa mjete profesionale. (Reuters)

E . S / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.