Mosvendosja e rripit të sigurimit – Në një javë 2170 drejtues të ndëshkuar, 36 patenta të pezulluara

2170 drejtues automjetesh janë ndëshkuar me gjobë për mosvendosjen e rripit të sigurimit gjatë operacionit “TISPOL – SHTATOR 2017”, ndërsa iu është pezulluar leja e drejtimit 36 drejtuesve për transport të parregullt fëmijësh.

Operacioni është zhvilluar me qëllim rritjen e parametrave të sigurisë rrugore dhe respektimin e legjislacionit rrugor nga ana e drejtuesve të mjeteve, si dhe për të rritur shkallën e përdorimit të rripit të sigurimit dhe të sediljeve të posaçme për transportin e fëmijëve.

Gjatë periudhës 11—16 shtator janë kontrolluar 18,230 mjete në total në të gjitha akset rrugore dhe zonat urbane.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.