Mustafa: Marrja e pronave bëhet me Ligjin për Shpronësim

Në seancën e Kuvendit të Kosovës, kryeministri Isa Mustafa, është duke dhënë interpelancën e tij e kërkuar nga deputetja e Vetëvendosjes Donika Kadaj në lidhje me shfrytëzimin e thëngjillit nga miniera e Sibovcit.

Mustafa tha se, ekzistojnë arsye që në Kuvend të diskutohet për këto probleme që preokupojnë qytetarët, por tha nuk pajtohet me pikat e një rezolute që propozoi deputetja Kadaj.

Mustafa tha se sa i përket themelimit të Korporatës së Thëngjillit është në harmoni me legjislacionin në fuqi.

Sipas kryeministrit procedurat e marrjes së pronave për interes publik kryhen nëpërmes Ligjit për Shpronësim dhe për zhvendosje, shkruan Zëri.

“Në zonën e fushë ‘Mihja e Re’ ku bën pjesë miniera e Shipitullës janë bërë në bazë të politikave të zhvendosjes”, tha Mustafa në interpelancë.

Eralda Zito/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.