Nafta, nëse mbahen premtimet e klimës – Woodmac: Do bjerë në 40 dollarë për fuçi deri në fund të dekadës

Çmimet botërore të naftës mund të bien në rreth 40 dollarë për fuçi deri në 2030, nëse qeveritë reduktojnë konsumin sipas planeve të Kombeve të Bashkuara për të limituar ngrohjen globale, sipas një firme të madhe të konsulencës për energjinë.  Në një raport, ku supozohej se bota vepron në mënyrë vendimtare për të ndaluar emetimin e gazrave serë, duke elektrifikuar transportin dhe industrinë, firma “Wood Mackenzie” thekson se konsumi i naftës do nisë një rënie të madhe që në vitin 2023.

Rënia e kërkesës do përshpejtohet në janë normë prej 2 milionë fuçi në ditë, duke arritur 35 mln fuçi në ditë deri në 2050-n, ç’ka përbën një rënie me 60% të emetimit të karbonit nga nafta, krahasuar me nivelet e sotme. Konsumi i naftës shënoi një nivel rekord prej rreth 100 milionë fuçi në ditë në vitin 2019 dhe pritet të rimëkëmbet këtë vit, pas rënies nga Covid-19 në 2020-n.  Për rrjedhojë, çmimet do nisin të bien më vonë gjatë dekadës, sipas raportit.

Nafta Brent pritet në një mesatare prej 40 dollarë për fuçi në vitin 2030, krahasuar me çmimet aktuale prej rreth 65 dollarë për fuçi. Deri në vitin 2050, firma thotë se nafta Brent mund të bjerë deri në 10 dollarë për fuçi.  Megjithatë, politikat aktuale botërore janë shumë larg marrëveshjes klimatike të Parisit.

Klevis Llaha / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.