Nafta tregtohet e qëndrueshme. Pritet të publikojë humbje prej rreth 6% gjatë kësaj jave
Nafta po shfaqet e qëndrueshme në sesionin e sotëm, megjithatë vijon të gjendet nën presion nga rritja surprizë e rezervave në SHBA dhe nga pandemia e koronavirusit. Nafta Brent e Londrës po tregtohet në rreth 40 dollarë për fuçi, pas rënies me rreth 2% në sesionin e kaluar. Nafta Bruto amerikane po tregtohet po tregtohet në rreth 37 dollarë për fuçi. Të dy bençmarkët pritet të publikojnë fitime prej rreth 6%, gjatë kësaj jave, pasi shpresat për rimëkëmbjen e shpejtë të kërkesës janë zbehur nga shqetësimet për një valë të dytë të koronavirusit.
Në Shtetet e Bashkuara, rezervat e naftës u rritën me 2 milionë fuçi, gjatë javës që u mbyll më 4 shtator, kundrejt pritshmërive të analistëve për një rënie me 1.3 milionë fuçi. Rritja e rezervave të naftës me shumë mundësi do të jetë subjekt diskutimesh në takimin e 17 shtatorit të OPEC+. Aktualisht, ky grup po zbaton marrëveshjen për uljen e prodhimit me 7.7 milionë fuçi në ditë, e cila do të jetë në fuqi deri në fund të vitit. Pavarësisht ngadalësimit të kërkesës, analistët parashikojnë se OPEC+ do të fokusohet më tepër te angazhimi për të respektuar marrëveshjen, se sa të ulë më tej kuotat e prodhimit.
Lidion Kulla / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.