Ndryshimet në “hartën” e tregtisë, vlera në lekë e shkëmbimeve të Shqipërisë me Rusinë, Kinën, SHBA-në, Turqinë, Italinë e Greqinë

Instituti i Statistikave ka publikuar të dhënat e tregtisë së jashtme për muajin janar 2017. Referuar raportit, në këtë muaj, vendet me të cilët Shqipëria ka pasur rritje më të madhe të eksporteve, në krahasim me Janar 2016 janë: Italia me (13,0 %), Kosova me (31,5 %) dhe Spanja me (224,9 %). Ndërsa vendet me të cilat eksportet kanë pasur uljen më të madhe janë: Hungaria me (-30,2 %), Hollanda me (-1,3 %) dhe Austria me (-4,6 %).

Në muajin Janar 2017, vendet me të cilët Shqipëria ka pasur rritje më të madhe të importeve, në krahasim me Janar 2016 janë: Gjermania me (11,7 %), Shtetet e Bashkuara me (27,2 %) dhe Rusia me (5,2 %). Ndërsa vendet me të cilat importet kanë pasur uljen më të madhe janë: Italia me (-10,0 %), Kina me (-1,8 %) dhe Turqia me (-3,6 %).

Por cila është vlera në lekë e shkëmbimeve tregtare dhe çfarë ka ndodhur krahasuar me të njëjtën periudhë të një viti më parë?

Kina

Gjatë muajit janar 2016, eksportet me Kinën ishin në vlerë 363 milion lekë ndërsa në janar 2017, vlera arrin në 601 milion lekë.

Importet gjatë muajit janar 2016 ishin rreth 3.4 miliard lekë  ndërsa në muajin janar 2017, rreth 3.36 miliard lekë.

Rusia

Sipas INSTAT, gjatë muajit janar 2016 eksportet me Rusinë janë në vlerë 0 lekë. Edhe në janar 2017, vlera e eksporteve është sërish 0 lekë.

Importet në janar 2016 ishin 703 milion lekë ndërsa në janar 2017, vlera arriti në 740 milion lekë.

SHBA

Gjatë muajit janar 2016 eksportet me SHBA ishin në vlerë 97 milion lekë ndërsa në janar 2017, vlera arrin në 149 milion lekë.

Importet në janar 2016 ishin rreth 662 milion lekë ndërsa në janar 2017, vlera arriti në 842 milion lekë.

Turqia

Gjatë muajit janar 2016, eksportet me Turqinë ishin në vlerë 99 milion lekë ndërsa në janar 2017, vlera arrin në 107 milion lekë.

Importet në janar 2016 ishin rreth 2.8 miliard lekë ndërsa në janar 2017, vlera arriti në 2.7 miliard lekë.

Italia

Gjatë muajit janar 2016 eksportet me Italinë ishin në vlerë 10.3 miliard lekë ndërsa në janar 2017, vlera arrin në 11.7 miliard lekë.

Importet në janar 2016 ishin rreth 11.3 miliard lekë ndërsa në janar 2017, vlera arriti në 10.1 miliard lekë.

Greqia

Gjatë muajit janar 2016 eksportet me Greqinë ishin në vlerë 675 milion lekë ndërsa në janar 2017, vlera arrin në 735 milion lekë.

Importet në janar 2016 ishin rreth 2.6 miliard lekë ndërsa në janar 2017, vlera qëndroi sërish në të njëjtin nivel, me rreth 2.6 miliard lekë.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.