“Nëse do një mik në Shtëpinë e Bardhë, merr një qen”! Biden rikthen traditën në Uashington. Më herët ka pasur dhe hiena e arinj
Kushedi nëse Joe Biden, presidenti i 46-të i Shteteve të Bashkuara e njeh thënien historike t ëish presidentit Harry Truman (presidenti i 33, nga 1945 në 1953), që thoshte: “Nëse do një mik në Uashington, merr një qen”. Vetë Truman kishte 3 qen. Trump, presidenti në detyrë e sfidoi këtë traditë, duke mos mbajtur asnjë kafshë në Shtëpinë e Bardhë, madje as një peshk të kuq.
Por tashmë, gjithçka do të rikthehet si dikur; Joe Biden dhe Jill, Zonja e Parë do të futen në janar në Shtëpinë e Bardhë sëbashku me pastorët gjermanë që janë trajnuar që të sillen “presidencialisht”. Champ është njëri prej qenve, 12 vjeçar që është marrë kur Biden u zgjodh zëvëndëspresident i Barak Obamës në 2009 dhe Major është qeni tjetër i marrë në vitin 2018.
Vetë Biden në fushatë elektorale ka deklaruar: Do të rikthejmë qentë në Shtëpinë e Bardhë.
Qentë kanë qenë kafshët më të zakonshme që kanë mbajtur presidentët amerikanë megjithatë nuk kanë munguar as rekordet në këtë drejtim. Presidenti Teodor Ruzvelt (1933-1945) zotëronte një lloj kopshti të vogël zoologjik, ku ishte deri edhe një ari i zi i quajtur Jonathan Edëards, si dhe një hienë e quajtur Bill.
Burimi: FOCUS/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.